Pois, estas son:
E agora os desafíos número 5. Complícase un pouco máis a cousa, así que a facer traballar as neuronas.
Este 23 de marzo, celebramos un día moi importante para a biblioteca e para todo o cole, xa que, os libros son compañeiros de viaxe, ou deberían selo, nas nosas vidas:
Para empezar, durante esta semana,os rapaces e rapazas de 3º fixeron un bonito traballo convertíndose en publicistas, deseñando carteis que poñen en valor a lectura, as bibliotecas e a celebración do "día do libro".
E, para rematar con "broche de ouro", nova xornada de apadriñamento lector. Desta vez tivemos moita sorte, pois o tempo foi o noso aliado, agasallándonos con un precioso e soleado día.
Por segunda ocasión neste curso, e debido ao éxito de convocatoria, disfrutamos dunha xornada de lecturas e momentos compartidos.
Grandes e pequenos repetiremos, sen dúbida, esta fermosa actividade proposta pola nosa biblio.
Eiquí deixamos un vídeo e un vídeo-montaxe de fotos que resume momentos do acontecido en pouco máis de media hora.
Continúan as visitas á biblioteca Neira Vilas. Desta vez tocoulle á rapazada de 3º A.
A temática foi a vestimenta en todas as súas facetas. Ademais de aprender moitas cousas sobre o tema, crearon algúns complementos con las de cores: pulseiras, colares e cinturóns. Que entretido!!!
As imaxes falan por si soas....mirade.
Lembrades o noso quiosco pombaleiro de prensa co Faro de Vigo a 1 €?. Foi todo un éxito de ventas.
Pois xa pasou máis de un mes, pero hoxe saímos en Faro Educa.
Mirade!!
Xa estamos outra vez con 2 novos desafíos, os número 4.
Parece que por fin chegou a calor, pero seguimos coas nosas actividades dos recreos máis creativos e entretidos. Na biblio estase máis fresquiño, non si?
A rapazada de sexto estivo a experimentar coa robótica, elaborando os seus propios paneis sobre diversas temáticas elixidas libremente. Na primeira xornada consensuaron as temáticas, buscaron info en internet, debuxaron e, para rematar, elaboraron os diferentes taboleiros. Os temas decididos foron o corpo humán, bandeiras do mundo e escudos de equipos de fútbol.
Na segunda xornada puxeron a andar sobre os paneis os robots escornabots que temos na biblioteca.
A xulgar polas súas caras, non o pasaron nada mal.
Esta semana os nenos e nenas de 4º de primaria tiveron a gran sorte de contar coa visita de Concha Blanco, pedagoga, profesora e prolífica escritora, gañadora dunha morea de premios literarios: Barco de vapor, Merlín, O facho, Lecturas de Gálix...e moitos máis.
https://es.wikipedia.org/wiki/Concha_Blanco