Iniciado o Nadal!

 Esta foi unha semana de celebracións!

Bailes e panxoliñas, visita das axundantes de Papá Noel, creación de adornos, preparación de cartas e postais,...

Dende o equipo de dinamización da lingua galega xunto coa biblioteca deixámosvos uns modelos de cartas inclusivas con pictogramas para Papá Noel e os Reis Magos.

 

Tamén vos deixamos un conto dos Reis Magos para que poidades gozar da súa lectura nestas vacacións de Nadal.

Podedes aproveitar para pasarvos polo blogue do equipo de dinamización da lingua galega onde tamén podedes encontrar unha carta dirixida ao apalpador.

http://medrandocoanosalingua.blogspot.com/

Aquí van unhas recomendacións lectoras.

Ademais esta semana tamén tivemos sorteo da loteria de Nadal no restaurante "O faladoiro das pombas".

E cun menú moi especial... pecha as súas portas ata o próximo trimestre.

Finalmente queremos mostrarvos a felicitación do Nadal chea de agarimo elaborada polo alumnado de 6ºde Primaria dirixida a residencia de maiores de Campolongo en Pontevedra.

Que bo xesto de solidariedade! Felicitacións!

Deseámosvos moi bo Nadal e un próspero ano novo cheo de novas aventuras na Biblioteca Castelao!

Vémonos en Xaneiro!

Novo restaurante no cole

Presentámosvos o restaurante 

"O FALADOIRO DAS POMBAS" 

creado polo alumnado de 2º de Primaria.

Todos os días crean un menú saúdable e diferente para que os seus clientes gozen dunha boa comida.

Neste restaurante atendese preferentemente en galego.

E...a piques de acabar a primeira tempada no noso restaurante nen@s e profes aproveitan a facer as súas últimas reservas.

Pero que ben se come no restaurante e que bo trato!
Cada día sorpréndennos con exquisitas receitas e con descontos en toda a súa carta.
Grazas "Faladoiro das pombas"!

AMPLIAMOS PRAZO PARA O CONCURSO DE RADIO

Agora tedes de prazo ata o venres 13 de xaneiro.

A finais de xaneiro publicaremos ao gañador/es.

Día da Diversidade

 "No Pombal encaixamos todxs"

Esta semana celébrase o día da diversidade.

Dende o equipo de normalización da lingua galega e a biblioteca celebrámolo así.

O alumnado de Infantil decoraron as pezas con diferentes texturas: dende a terra, sementes, alimentos naturais co seu fermoso colorido, ata outros máis elaborados pero moi básicos na alimentación (fariña, pan raiado, pasta,...).

Con todas esas pezas fixemos un paraugas cheo de distintas sementes, follas, terra, plantas,... Con diversos mensaxes colgados e co lema: 

"A diversidade enriquécenos. Sementa igualdade e respecto"

Deixámosvos tamén unhas recomendacións lectoras

Tod@s cabemos no mesmo paraugas!

25 de Novembro

 Xunt@s celebramos o día contra a violencia de xénero.

Rato Pérez e Castelao propuxéronnos converter o corredor da biblioteca nunha rede de palabras que empoderarán á muller! Así que escribimos moitas palabras en pétalos de flores violetas.

Algúns aproveitaron para facer unhas flores coa canción "Ella" de Bebe.

Ademais fixemos un colar con lemas contra a violencia e o levamos as nosas casas.

Aproveitamos tamén para deixarvos unhas recomendacións lectoras.

Bo traballo a todos! Xunt@s somos máis fortes!

CONCURSO LOGO DA RADIO

Animádevos a participar!

Temos un novo concurso da biblio!

Necesitamos un logo que identifique a nosa radio!

A data límite é ata o 22 de decembro.

Diremos gañador/es no mes de xaneiro

BIBLIOTECA CREATIVA

E un ano máis...
formamos parte de BIBLIOTECAS CREATIVAS!

Seguimos traballando!

Xornadas escolares

O sábado 12 de novembro asistimos unha vez máis ás xornadas de bibliotecas escolares de Galicia.

Nesta ocasión tivemos a oportunidade de contar con escritores como Gonzalo Moure, aprendimos sobre o libro ilustrado coa grandísima Piu Martínez, entre outras moitas experiencias.

ITINERARIO LECTOR PRIMARIA

Como todos os anos, aquí deixámosvos os libros do itinerario lector para Primaria. Non vos esquezades de poñerlles o nome e forralos.

Máis adiante, teremos algunhas sesións de animación á lectura con estos libros.

1º ciclo

2ºciclo

3ºciclo

                                                      

FORMAMOS PARTE OFICIALMENTE DE RADIO NA BIBLIO

 

Hoxe é un día moi especial para a biblioteca Castelao.

Seleccionáronnos para Radio na biblio!

Iniciamos o noso percorrido desde hai varios anos tentando que aceptasen a nosa solicitude. A pesar diso, o curso pasado decidimos comezar independentemente a nosa andaina coa radio e aprendemos unha chea.

Finalmente hoxe seleccionáronnos! O que a segue conséguea! Xa formamos oficialmente parte dos centros con Radio na biblio!

Grazas a todos os que o fixestes e facedes que sexa posible!

Deixámosvos a nosa ligazón para que escoitedes os podcast que fixemos o curso pasado:

https://castelaonopombal.blogspot.com/p/biblioteca-castelao-9322-comenza-conta.html

Estade moi atentos porque faremos moitos máis!

Samaín

 Onte celebramos o Samaín no colexio.

Os maiores  contaron contos aos máis pequenos.

Pasárono de medo!!

Os de 4º de Primaria  prepararon unha coreografía moi terrorífica.

Moitos nenos e nenas, de xeito voluntario nas súas casas decoraron cabazas e quedaron impresionantes, daban moito medo.

Mirade que bonitas quedaron!!

INAUGURACIÓN BIBLIO

 Presentámosvos a nosa PDI deste ano

"SEMENTAMOS FUTURO NO POMBAL".

No Pombal celebramos a inauguración da biblioteca onde Rato Pérez e Castelao propuxéronnos crear un menú lector.

Os nenos gozaron aprendendo sobre a PDI deste ano e do uso da biblioteca. Ademais levaron de agasallo un sementeiro sorpresa!

Plantamos distintas sementes: albáfega, perexil, manzanilla, tomiño,...

E a ti que planta che creceu?

Tamén deixámosvos algúns dos traballos que fixeron os nenos de 6° de Primaria.

Moi bo traballo!

TIC TAC

 BOAS TARDES NENOS E NENAS! XA FALTA  MENOS PARA A INAGURACIÓN DA BIBLIO

QUEREDES MÁIS PISTAS???

ESTADE MOI ATENTOS PORQUE O LUNS VAI A SER UN DÍA DE MOITAS EMOCIÓNS!!!