Ola, aquí estamos unha vez máis. Xa sabemos que non é venres e que non toca entrada no blogue pero queriamos estar convosco o último día deste curso.
O primeiro, deixarvos a guía das recomendacións de lecturas para este verán.
Coma se estiverades no cinema, tedes que elixir a sala que vos corresponda para poder ver na pantalla os diferentes libros.
Esperamos que vos guste.
E AGORA...
Como ben sabedes, propuxeramos un reto anual para facer a vosa propia película.
Aquí deixámosvos o curto que fixo o alumnado de 6ºB e as súas titoras.
Premede na imaxe para vela.
O alumnado de 6°A tamén fixo o seu corto coa axuda de Fátima.
As familias de infantil 5 anos A , tamén quixeron sentirse directores, produtores, cámaras e encargados de vestiario facendo unha pequena película como agasallo para a titora dos seus fillos e fillas. Este foi o resultado.
E xa para rematar este "Curso de película", aquí vos deixamos unhas fotos da visita de Alberto Avendaño e "A tropa contra o virus", da editorial Xerais.
Empezamos o mes de xuño coa visita dun gran escritor galego: Antonio García Teijeiro.
Os nenos e nenas de 1º de primaria, tiveron o gran privilexio de pasar un rato co pescador Martiño, que cada noite sae a pescar letras para formar palabras que a súa vez, forman "Poemar o Mar".
No seguinte vídeo, podedes ver un resumo desta visita chea de auga, sal, letras e emocións.
Cando estaba a piques de marchar, os nenos de 3º de primaria, querían facerlle a súa pequena homenaxe.
Este foi o resultado:
MOITÍSIMAS GRAZAS
E mañán...
En 1972, Nacións Unidas proclamou o 5 de xuño como Día Mundial do Medio Ambiente. A idea é que todos actuemos para asegurarnos agora e no futuro un hábitat máis limpo, verde e san.
Este é un gran día para celebrar cos nenos a beleza da natureza e ensinarlles algunhas cousas que podemos facer para protexela. Ofrecémosche unhas ideas para as mamás e os papás:
1.- Insina ao teu fillo a reciclar. Aínda moita xente pregúntase en que cubo do lixo tirar a lata de sardiñas ou o envase do deterxente e os nenos poden ensinar aos adultos.
2.- Un día sen coche. Explícalle ao teu fillo o valor da enerxía e por que para celebrar o Día Mundial do medio Ambiente, ides desprazar en bicicleta ou en transporte público.
3.- Organiza unha saída a un parque con bolsa e luvas para todos. Trátase de recoller todos os obxectos non biodegradables que atopedes no camiño. Aquí tes un experimento para explicar ao teu fillo o significado de biodegradable.
4.- Fálase moito de contaminación pero seguramente o teu fillo non entenda ben os seus efectos. Explícalle que é a contaminación cun sinxelo experimento.
5.- Prepara con el unha receita con restos da cea ou ingredientes que atopedes na casa. Aproveita para explicarlle a importancia que ten non tirar os alimentos. Cada ano refúgase un terzo da comida producida en todo o mundo. Os primeiros en tirar: os países occidentais. Estes excedentes na produción aumentan o gasto en auga e terra e a polución provocada por pesticidas e abonos. Todo iso favorece o efecto invernadoiro e o quecemento do planeta.
6.- As plantas son o pulmón da terra. Confecciona un pequeno xardín caseiro. Ensínalle a facer pugas e plantar sementes.
7.- Fálalle do concepto de sustentabilidade. Confecciona coa súa axuda algunha manualidade con material reciclado ou ensínalle a facer pasta de papel. Serve para facer moitas cousas, desde cuncos -usando un globo como molde- ata obxectos para xogar.
8.- Lelle contos sobre "Como salvar o planeta" ou " Contos sobre a auga" que logo poderá debuxar.
9.- Entra na páxina do Día Mundial do Medio Ambiente:
10.- Cítalle a frase do secretario xeral de Nacións Unidade Ban Ki- Moon "Cando billóns de persoas unen os seus esforzos a favor dunha causa, é posible lograr un cambio".
