A MALETA VIAXEIRA DA PAZ: "POMBALEIROS-AS POLA PAZ"

Bo día. 
Estamos seguros-as de que as propostas que vos traemos nesta ocasión para celebrar o DÍA DA PAZ,  vanvos encantar. 

É moi importante para nós a celebración do DÍA DA PAZ, tan necesaria nos tempos que corren. Parece que os seres humáns non aprendemos dos nosos erros, e repítese sempre a mesma historia dun xeito cíclico e case contínuo...as guerras entre diferentes países non cesan. 

Dende o colexio tentamos inculcar aos nosos nenos e nenas a diario a necesidade de solucionar os conflitos dun xeito pacífico, por íso damos tanta importancia a esta data tan sinalada. No CEIP plurilingüe O Pombal temos preparadas varias actividades para estes días:

Luns, 29 de xaneiro: día das apertas...con apertas de balde para todos-as os que queiran un momentiño de cariño e amor.
Martes, 30 de xaneiro: visita da marabillosa artista Uxía, co seu traballo María FumaÇa, un proxecto literario e musical que aporta optimismo e aposta pola alegría de vivir e pola integración.

Mércores, 31 de xaneiro: carreira solidaria en favor de DISCAMINO, unha asociación de persoas que apostan tamén pola integración de persoas con algunha discapacidade a través do ciclismo adaptado.
E, xa para rematar esta gran semana, unha actividade que pode triunfar e levarnos a dar a volta ao mundo, ...literalmente, as maletas viaxeiras pola Paz
                      co noso lema 
                    "Pombaleiros-as pola Paz"

Os nenos e nenas do cole, durante estes días estarán a preparar e personalizar unhas maletiñas viaxeiras con palabras e frases fermosas, que pretendemos que cheguen o máis lonxe posible a través das persoas que vaian atopando as maletas. 

A actividade é sinxela: tedes que levar a maleta de viaxe (cerca ou lonxe) e facer unha foto con ela no lugar do voso destino. Se non tedes previsto viaxar, podedes atrasalo ou darlla a un familiar ou amigo que vaia facelo. Logo subide a foto ás vosas redes sociais, comentando o lugar onde estades e compartindo a seguinte etiqueta (hashtag):    

                  #pombaleirosaspolapaz

Por último, deixade a maletiña no lugar que estades, mellor se é nun sitio concurrido como un parque, unha estación, un aeroporto...para que outras persoas poidan facer o mesmo procedemento e así conseguir que chegue a todos os países do mundo. Complicado?, pois claro, pero...quen sabe?

Estade moi atentos, pois as primeiras maletas sairán de viaxe ao longo desta semana que empeza.

Eiquí deixamos un video explicativo do proceso. 

Se hai algo que non entendades, non dubidedes en preguntar no cole.                                               

Animádevos a participar ou pedide a colaboración de amigos ou familiares que vaian viaxar.

Unha aperta enorme e MOITA PAZ NO MUNDO

VISITA Á BIBLIOTECA NEIRA VILAS: 5º DE PRIMARIA

Ola de novo. 

Esta semana foron os rapaces e rapazas de 5º de primaria os invitados na biblioteca Neira Vilas.

A actividade, como xa sabedes, versou sobre a indumentaria ao longo da historia. Como sempre, moi interesantes as propostas da biblioteca.

Saúdos, vémonos pronto!!!

VISITA Á BIBLIOTECA NEIRA VILAS: 2º DE PRIMARIA

Continuamos coas visitas á nosa biblioteca de referencia no barrio do Calvario, a Neira Vilas, que sempre nos sorprenden con novas e interesantes actividades.

Nesta ocasión tocoulles aos nenos e nenas de segundo de primaria, que disfrutaron e, como non, aprenderon unha morea de cousas sobre a moda. 

Dámosvos de novo as grazas pola vosa implicación e bo facer.

Ata pronto!!

A BIBLIOTECA NA PRENSA: ATLÁNTICO DIARIO

Ola de novo.

Esta semana estamos moi contentos-as, pois no Atlántico Diario, no seu "xornal escolar" con data 10 de xaneiro de 2024, foi publicada unha pequena reportaxe adicada ao noso cole, concretamente informando sobre as actividades que realizamos na nosa biblioteca para fomentar o amor pola lectura.

                        Vémonos pronto!!!

VISITA Á BIBLIOTECA NEIRA VILAS: 6º PRIMARIA

Esta semana inauguramos as xa tradicionais visitas á nosa biblioteca do barrio, a Biblioteca pública municipal Xosé Neira Vilas. Comezamos cunha divertida animación sobre A MODA, que pasou de ser unha necesidade a un luxo.

Como sempre, damos as grazas a Noelia pola súa disposición e bo facer.

Vémonos pronto!!!

XORNADA DE TEATRO DE TÍTERES (3 ANOS)

Ola de novo. Esta semana disfrutamos dunha velada de teatro no cole, da man da familia de Malik. Como afeccionados ao teatro de títeres, e dun xeito desinteresado, ofrecéronse a facer unha representación. Nós, como non podía ser doutro xeito, aceptamos sen pensalo dúas veces. 

A cita foi o luns 4 de decembro pola mañá e como público a rapazada de 3 anos e algunhas profes.

A protagonista é unha boneca chamada Patri, que ía presentando e narrando as historias e interactuando con nós. Patri contounos dous contos nunhas versións moi especiais: a ratiña presumida (destacando a importancia da igualdade e da amizade) e o cabalo de Troia (enfocándose na busca de ideas creativas e do esforzo para solucionar os problemas, sen recorrer á violencia ou forza física). Ademais, para a nosa sorpresa, tamén apareceu o galo Bartolito cos seus amigos cantándonos a súa famosa canción.

Pequechos-as e profes participamos, contestamos, cantamos e divertímonos moitísimo. Esperamos que volten moi pronto con máis historias. Tamén queremos darlles as grazas en nome de todo o cole. 

             

             

ITINERARIO LECTOR 23-24

Como todos os anos por estas datas, queremos facervos algunhas recomendacións de lecturas para que lle pidades aos Reis Magos, a Papá Noel ou, simplemente vaiades á vosa librería de confianza e merquedes algún que vos guste. O importante é non perder este fermoso hábito que é a lectura durante as vosas vacacións de Nadal. 

Esperamos que vos encanten!!

DO COLE Á RADIO...DE VERDADE (5 anos)

Ola de novo.

Hoxe, luns, 27 de novembro, os nenos e nenas de 5 anos visitaron as instalacións de ONDA CERO RADIO  da rúa García Barbón e participaron en vivo e directo, xunto coas súas profes, no programa "más de uno". Moi contentos-as sentáronse nunha gran mesa, enfundáronse os cascos e achegáronse aos micros. Falaron co locutor do programa e ata cantaron unha bonita canción.

Eiquí deixamos un enlace do programa, pinchade na orella e

            ESCOITADE CON ATENCIÓN

Para aproveitar moi ben o paseo, tamén visitaron a estación de Renfe de Guixar. Moi amablemente e con moita paciencia, este home do chaleco verde guiounos na visita pola estación e explicoulles unha morea de cousas moi interesantes sobre este medio de transporte tan popular: os andéns, as pantallas que anuncian chegadas e saídas, onde van os trens e de onde veñen. Tamén subiron a un tren e vírono por dentro....Vaia sorte teñen algúns!!!

Vémonos moi pronto.

Unha aperta

A PRIMEIRA VEZ NA BIBLIO (3 anos)

Ola de novo. 

Desta vez queremos presentarvos aos novos socios e socias da nosa biblioteca, os máis peques do cole, que a semana pasada visitáronnos por primeira vez e así coñeceron a Castelao e ao rato Pérez.

Portáronse moi ben e aprenderon as normas básicas da biblio: non levantar a voz, non correr, colocar os libros no seu estante e co lombo cara afora, cales son os libros que poden levar á casa e en que andeis están e deixar todo no seu lugar e ordeado antes de marchar. 

Estas normas son moi importantes, xa que a biblio é un lugar común, no que temos unha morea de materiais (libros, comics, revistas, xogos e accesorios da caixa de luz, xogos de mesa, xogos de robótica, creativos....) que deben estar ordeados para que todos poidamos disfrutar dela.

Tamén se puxeron moi contentos, pois Castelao e o rato Pérez deixaron un agasallo sorpresa que lles encantou: un identificador de maletas!!!....para cando viaxen polo mundo coa súa mochila ao lombo.

E, para que nos queden ben claras as normas da biblioteca, os máis expertos do cole, os rapaces e rapazas voluntarios de 5º e 6º, fixeron un simpático e didáctico vídeo.

      Pulsade na imaxe  👇 para poder ver o vídeo

      

Vémonos pronto.

SEGUIMOS VIAXANDO (2º e 5º de E.P., 5 anos E.I.)

 Ola de novo.

Continuamos coas nosas viaxes, e con outras novidades, isto é un "non parar". 

Cada clase irá poñendo na corcheira da entrada principal do cole a bandeira e unha imaxe representrativa do país que están a traballar, ademais un medio de transporte coa foto de todos os viaxeiros e viaxeiras do grupo. 

Tamén inauguramos as exposicións temporais, é dicir, as clases que o desexen poderán mostrarnos os seus interesantes traballos, así poderemos aprender          moitísimas cousas do mellor xeito: lúdico e visual.

Os primeiros foron a rapazada de 5º de primaria, que están a traballar nun proxecto sobre o sistema solar: estrelas, planetas, constelacións.....

                          ESPECTACULAR!!      

    

E agora un pequeno vídeo sobre os países que visitamos esta semana coa rapazada de 2º de primaria e de 5 anos de infantil. Que países serán? Mirade o video se queredes sabelo👇

Gustouvos, verdade?

Pois esperade aos da semana que ven!!!

INAUGURACIÓN DA NOSA BIBLIOTECA

Xa estamos eiquí de novo. 

Por fin chegou o momento que tanto estabamos esperando:  

hoxe, 25 de outubro, queda oficialmente inaugurada a nosa biblioteca!!!

                           

                         

Como sempre, Castelao e o rato Pérez, que son tan detallistas e pensan sempre en todo, deixáronnos un agasallo de benvida: unha preciosa tarxeta identificadora de equipaxe para cada un.

Este ano será un curso cheo de aventuras, pois como seguro que xa sabedes, a temática elixida está relacionada coas viaxes por diferentes países:                      

    "Pombaleiros/as polo mundo". 

Nestas viaxes, percorreremos e coñeceremos moitas cousas sobre diferentes países. Cada clase elixiu un país para investigalo. Para mostrar a todos e todas o que estamos aprendendo e participar na decoración e ambientación do cole, ao longo destas semanas todos os nenos e nenas , xunto cos seus titores e titoras, irán montando polos diferentes espazos do cole as súas exposicións sobre o país que están a traballar. 

Iremos subindo fotos de todo o proceso e das diferentes exposicións. De momento, deixámosvos este pequeno avance....

Seguro que vos vai encantar...ou eso pensamos!!

                              ISRAEL

CHINA

FRANCIA

RUMANÍA

       Con que países nos sorprenderán?

                Vémonos na seguinte viaxe!!

AVERIGUAMOS O PAÍS (5º B)

Ola de novo...

Como xa sabedes, este curso a PDI do cole titúlase "Pombaleiros/as polo mundo" e vai adicada ás viaxes e ao coñecemento de algúns países do mundo. 

Pois, para comezar, os alumnos e alumnas de 5º B de primaria, durante a hora de ler, estiveron a facer pescudas sobre o país que lles tocou para a ambientación da biblioteca do cole. 

O resultado foi espectacular, todos os grupos chegaron á mesma conclusión....

   

         Adiviñades con estas    

      pistas cal é o país?

Xa falta menos para a inauguración da nosa biblio!!!!

BENVIDOS AO CURSO 2023-2024

Boa tarde!! Qué tal de vacacións? Esperamos que moi ben.

Castelao e o rato Pérez xa teñen moitas ganas de comezar unha nova aventura,  vos tamén??

Este ano o lema é "Pombaleiros/as polo mundo" e Castelao xa está preparado para viaxar.

Ficade atentos/as porque pronto teremos máis novidades.

Cómo podedes observar moitas clases comenzaron xa a decorar ó colexio!!