BUSCANDO TRANQUILIDADE PARA LER

Saben que hasta xaneiro non estará ordenada e bonita, pero nos recreos veñen ler á biblio entre caixas e moreas de libros para expurgar.

SAMAÍN

Aínda que non entredes...., poremos un expositor na entrada da biblioteca con diferentes libros relacionados coas celebracións que traballemos no cole.

FELIZ DÍA!!!

O vindeiro xoves, 24 de outubro, celébrase o Día das Bibliotecas Escolares.

O lema para este curso 2019/20 é      " Biblioteca escolar, viveiro de cidadanía".
Nesta ocasión é o ilustrador Óscar Villar quen interpreta o lema e ofrécenos unha imaxe múltiple e evocadora de diversas situacións que unha biblioteca escolar pode facilitar.
Intervir na biblioteca escolar (nos seus espazos,nos seus tempos,nos seus recursos e actividades) ten consecuencias para o alumnado e para a comunidade educativa.
Cómpre unha reflexión sobre a distribución dos espazos, a organización dos tempos, a selección dos recursos e, moi especialmente, sobre o enfoque das actividades, co fin de que a biblioteca
poida facilitar o diálogo, a lectura crítica, a reflexión, o acceso ao coñecemento, o pensamento, a investigación, a experimentación, a creación, a comunicación, a adquisición de competencias útiles para a vida e para a convivencia, para o desenvolvemento académico e persoal.

TEMPO DE CAMBIOS!!!

Ola nenas e nenos!.
Non pensariades que nos esquecéramos de vós?.
O que pasa é que este ano haberá moitos cambios na biblio.

Cando a inauguremos, atoparedes zonas novas para o voso disfrute.

Todo comenzou polo mes de xullo...

Fixemos limpeza no cuarto de audiovisuais e tiramos ao lixo moitas cousas que xa non servían.
Aquí vos deixo unhas fotos.

Como comprenderedes hai moito traballo por facer, polo que durante o primeiro trimestre a sala da biblioteca estará pechada, pero non así as actividades.

 As mochilas viaxeiras sairán rumbo as vosas casas en breve e o préstamo de libros o faredes nas vosas aulas.

Co ano novo, agardamos poder sorprendervos con todas as novidades que Castelao e o rato Pérez están a preparar.

Castelao e o rato Pérez.

BENVIDOS E BENVIDAS

Aquí estamos de novo un curso máis, con moita ilusión e as pilas cargadas para empezar a traballar na biblio do cole.

Este ano haberá algunha pequena sorpresa e moitas cousas novas, pero pouco a pouco as iredes descubrindo.

Pronto teredes novas nosas.

 Castelao e  o Rato Pérez

NO VERÁN UN CONTO

Un ano máis, o Servizo de Normalización Lingüística do concello de Vigo, propón unha actividade para o verán onde os contos son os protagonistas.
Aquí vos deixo o programa.

Pincha na imaxe para ver días e lugares das actividades

PECHAMOS

Durante o mes de xuño, a biblioteca Castelao pecha as súas portas. Hai que empezar a recoller libros, mochilas viaxeiras e empezar a argallar ideas novas para o vindeiro curso.




GUÍA DE VERÁN 2019

Aquí podedes ver un resumo en imaxes de todo o que se fixo durante este curso.

 


GRAZAS A TODOS E TODAS por axudar a levar todo isto a cabo.

REMATAMOS

Aos nenos e nenas de 6º de Primaria, lles entregamos un dossier onde aparecen todos os libros que leron mentras estiveron no cole. "AS MIÑAS AVENTURAS COS LIBROS DO POMBAL".

Nosos voluntarios bibliotecarios tamén tiveron o seu diploma e un pequeno agasallo de agradecemento por todo o tempo que adicaron a biblioteca nos seus recreos.

GRACIAS!

Tamén ao club de lectura lles entregamos os seus diplomas e unha foto da revista TIME onde podemos ver ao noso mago e magas.

BENXAMÍN NOVOA

Rematamos as actividades deste curso, coa visita (de novo) de Benxamín Novoa. Animación ofrecida pola editorial Xerais.
Esta vez estivo ca rapazada de 3º e 4º de Primaria.




3º A e B

4º A e B

JORGE CAMPOS

Alí estivemos a acompañar a Jorge na presentación do seu segundo cómic :  Unha  mestra en apuros. Sálvese  quen  poida" da editorial  Bululú. Esta vez como ilustrador do cómic escrito por Pilar Serrano.

Xa temos o noso adicado para o cole!!!

No seguinte enlace podedes ver a presentación.

https://drive.google.com/file/d/1OrxhG_pceyfBs69TR6Hzha5_w4VvLx_E/view?usp=sharing_eil&ts=5cf9f59a

Tamén coñecimos a ilustradora dos libros da colección "Mulleres bravas da nosa historia", Eva Agra.

VI QUEDADA LITERARIA

O luns 27, tivo lugar a VI  Quedada Literaria no Parque de Castrelos.
Este ano participaron  14 colexios, cun total de 1270 nenos e nenas.
Na organización contamos coa axuda de Marta Souto  (Servizo de Normalización  do  Concello), Antonio  F. Costas e para o acto de clausura, coa Biblioteca Municipal Xosé Neira Vilas que nos trouxo ao  Doutor Milagre.
Foi unha xornada chea de lecturas e bos momentos.
No seguinte vídeo podedes ver un anaco da actividade.

Infantil 4 anos, 3º e 4º de Primaria.

OLGA CUERVO

Os máis pequenos do cole, Infantil 3 e 4 anos, pasaron un rato moi agradable con Olga Cuervo, contacontos chegada de Asturias a cargo da editorial SM.
Contounos o conto de Cocorico e  transformounos a todos e todas en piratas.