BIBLIOTECA XOSÉ NEIRA VILAS

Unha visita que se fai con todo o alumnado do cole, é a Biblioteca Municipal Xosé Neira Vilas.
Aquí podemos ver á rapazada de 4º de primaria e aos pequenos de infantil 4 anos.

   Tamén as nosas tórtolas fixeron unha parada alí.

8 MARZO

Exposición de libros con temática relacionada con este día.

COIDAMOS A NATUREZA

O Concello de Vigo, ofertou un obradoiro sobre a reciclaxe.

Como estamos moi comprometidos con este tema e o PDI deste ano está relacionado coa natureza, o alumnado de 2º, 3º e 4º de primaria, foron a aprender moitas cousas con Dinoseto e Dinosetiño.

Tamén participamos na campaña de recolleita de pilas "Recicla con Enerxíapilabot".

BIBLIOTECA INCLUSIVA

Na mochila viaxeira de 1º, vai un libro escrito en braile.
Foi feito por Maite , que traballa na ONCE e ven ao noso cole dous días a semana para ensinarlle a ler en braile a unha nena.

Aquí podedes ver como é o libro.

Conto sobre a letra "A":

CHEGOU O ENTROIDO

Exposición de libros sobre o Entroido.

O Meco manda ...

Flor cunha botella de plástico

LUNS:

Para comezar
un adorno reciclado traerás.

MARTES: 

Si a natureza
queremos observar
unhas lentes deberás levar.

MÉRCORES:

A cabeza cubrirás

e así na horta traballarás.







XOVES:

De azul vestirás
e un peixiño levarás.

VENRES: Desfile pola peatonal do Calvario a partir das 12:30 horas.

COMPARSAS:

• Ed. Infantil: Xoaniñas.
• 1º e 2º Primaria: Submarinistas. 
• 3º e 4º Primaria: Xardineiros.
• 5º e 6º Primaria: Espantallos.

CONTO

Como este curso estamos a traballar a natureza, aquí temos un conto sobre a COMPOSTAXE.

Preme na imaxe para descargar o conto

BIBLIO MÓBIL

Xa está funcionando a biblio móbil na hora do recreo.

GRAZAS EQUIPO DE PATIOS DINÁMICOS.

DÍA DE ROSALÍA

Preme na imaxe para ler a biografía

O 24 de febreiro celébrase o aniversario de Rosalía de Castro.

Na biblio hai unha pequena exposición de libros escritos por esta escritora galega.

Tamén puxemos un panel informativo na entrada da biblioteca coa vida e obra de Rosalía e algunha outra curiosidade.

CASTELAO NAS RÚAS DE RIANXO

O Concello estreará unha nova ruta que percorrerá 33 puntos da vila que foron moi importantes na vida do escritor

PREME NA IMAXE PARA LER A NOTICIA COMPLETA

SAN VALENTÍN

Para celebrar o día de San Valentín, que mellor que regalar corazóns.
Desde a biblioteca propuxemos a idea de que cada neno e nena do cole escribisen nun corazón dúas palabras bonitas para regalar entre o alumnado do cole.
Despois de organizar os grupos, o 14 de febreiro, na Hora de Ler, cada neno e nena entregou o seu corazón.
Despois de pegalo nunha peza dun quebracabezas xigante, entre todos fixemos un gran mural-corazón.

Neste vídeo podedes ver como entre todos e todas fixemos este mural.

Libros de amor e amizade na biblio.

Decoración: 

E para rematar ó día... piruletas de corazón para toda a comunidade educativa de parte de Castelao e o Rato Pérez.