RECREOS BIBLIOTECARIOS 5

 Parece que por fin chegou a calor, pero seguimos coas nosas actividades dos recreos máis creativos e entretidos. Na biblio estase máis fresquiño, non si?

A rapazada de sexto estivo a experimentar coa robótica, elaborando os seus propios paneis sobre diversas temáticas elixidas libremente. Na primeira xornada consensuaron as temáticas, buscaron info en internet, debuxaron e, para rematar, elaboraron os diferentes taboleiros. Os temas decididos foron o corpo humán, bandeiras do mundo e escudos de equipos de fútbol.

Na segunda xornada puxeron a andar sobre os paneis os robots escornabots que temos na biblioteca.

A xulgar polas súas caras, non o pasaron nada mal.

Deseñarán e fabricarán un avión ou unha nave espacial para a semana que ven....quen sabe!!!

ANIMACIÓN A CARGO DE CONCHA BLANCO: 4º DE E.P.

Esta semana os nenos e nenas de 4º de primaria tiveron a gran sorte de contar coa visita de Concha Blanco, pedagoga, profesora e prolífica escritora, gañadora dunha morea de premios literarios: Barco de vapor, Merlín, O facho, Lecturas de Gálix...e moitos máis.

                          https://es.wikipedia.org/wiki/Concha_Blanco

A escritora e poeta faloulles sobre un dos seus últimos libros: 

"Eu tamén fun pequena".

O libro narra a historia da avoa Concha, que todas as noites antes de durmir conta ás súas pequenas netas lembranzas e cousas sobre a vida na súa aldea cando era pequena.

Ao rematar, ademais de asinar os libros da rapazada, colocou a súa estrela no noso particular "paseo da fama" xunto á estrela da súa filla, a tamén escritora María Canosa....cousas de familia!!

Eiquí tedes un vídeo dun momento da súa animación

VISITA Á BIBLIOTECA NEIRA VILAS: 5 ANOS E 3 ANOS A

Seguimos coas visitas á biblioteca do noso barrio, a Neira Vilas. Desta vez tocoulles aos peques do cole, 3 anos A e 5 anos de infantil. Ademais de disfrutar dun paseíño polo barrio aprenderon algunhas cousas interesantes sobre a moda.

Velaquí algunhas imaxes dos contacontos e obradoiros realizados.

                              5 ANOS

                     3 ANOS A

Vémonos nas seguintes visitas, que aínda quedan algunhas...

CONTACONTOS: DAVID RODRÍGUEZ

Esta semana, visitounos o deseñador gráfico e escritor vigués David Rodríguez, que pasou un anaquiño do seu tempo cos peques de Infantil e de 3º de primaria. 

Aos pequechos e pequechas de Educación Infantil contoulles unha historia moi interesante sobre unha superavoa,  homenaxeando a todas as avoas. A avoa Rita garda un segredo: é unha superheroína!!!. Se non fose por ela e os seus superpoderes, o mundo viríase abaixo.
Como colofón, ao rematar o conto sorprendeunos sacando a súa guitarra e cantounos unha bonita canción sobre a superavoa.

A rapazada de terceiro na súa sesión de contacontos.

Os nosos agradecementos a David.

.

RECREOS BIBLIOTECARIOS 4

Voltamos cos recreos bibliotecarios, continuando co obradoiro de construccións na súa segunda semana.

Eiquí van algunhas imaxes do que fixeron os rapaces e rapazas de 6º, algúns rematando o que empezaran na semana anterior. Mirade..

Con que nos sorprenderán esta semana???

DESAFÍOS Nº 3

Ola de novo. 

Despois das vacacións de Semana Santa, voltamos co desafío número 3.

 
Pero, como sempre, dámosvos primeiro as respostas aos desafíos número 2.

 
Estas son as solucións correctas:

E agora, os desafíos número 3. 

         

Podes meter as túas respostas no buzón da biblio ata o venres 12 de abril.

Veña, a facer traballar esas cabeciñas...

Seguinte desafío: 

Luns, 15 de abril.